काठमाडौँ । नेपाल क्रिकेट संघ (क्यान) ले पूर्व अष्ट्रेलियन क्रिकेट खेलाडी तथा ग्लामोर्गन टिमका सहायक प्रशिक्षक इयान हार्भेलाई नेपाली राष्ट्रिय पुरुष क्रिकेट टोलीको बलिङ कन्सल्टेन्टमा नियुक्त गरेको छ।

बिहीबार  जारी गरिएको प्रेस विज्ञप्तिमा क्यानले आउँदो फेब्रुअरी ७ देखि मार्च ८ सम्म भारत र श्रीलंकामा संयुक्त रूपमा आयोजना हुने आईसीसी पुरुष टी-२० विश्वकपलाई लक्षित गर्दै राष्ट्रिय टोलीको विशेष तयारीका लागि हार्भेलाई नियुक्त गरिएको जनाएको छ।