काठमाडौँ । आज काठमाडौँ उपत्यकामा पनि हल्का वर्षाको सम्भावना रहेको मौसम पूर्वानुमान महाशाखाका मौसमविद्ले जानकारी दिएका छन्। 

महाशाखाका वरिष्ठ मौसमविद् वरुण पौडेलका अनुसार आज काठमाडौँमा पनि हल्का खालको वर्षा हुने सम्भावना देखिएको हो। पश्चिमी न्यून चापीय प्रणालीको प्रभावले अहिले भने काठमाडौँ उपत्यकासहित देशभरजसो नै मौसम बदली भएको र पश्चिमी प्रदेशतिर हिमपात र वर्षासमेत भइरहेको वरिष्ठ मौसमविद् पौडेलले बताए।