काठमाडौं। संघीय मामिला तथा सामान्य प्रशासन मन्त्री अमनलाल मोदीले संघ र प्रदेशका मन्त्री र स्थानीय तहका प्रमुखहरूले अनुकुल कर्मचारी माग्ने कामले मन्त्रालयमा भीड बढेको बताएका छन्।

बधबार प्रतिनिधिसभाको बैठकमा सार्वजनिक महत्त्वका विषयमा आफ्ना कुरा राख्दै उहाँले सबैले अनुकुल कर्मचारी खोज्दा आफूलाई हैरानी बढेको बताएका हुन्।

मन्त्री र मेयर उपमेयरको अनूकुल पर्नेगरि कमृचारी खटाउँदा जम्मा २ हजार मात्रै खटाउन सकिने बताउदै उनले संघमा रहेका ५३ हजार कर्मचारीमध्ये ५१ हजार कर्मचारी कहाँ पठाउने? भन्दै प्रश्न गरे।

आफूले मन्त्रालय सम्हाल्दा ७ सय ५३ स्थानीय तहमा २४१ ठाउँमा कार्यकारी अधिकृतविहीन रहेको बताए। त्यहाँ निमित्तले चलाइरहेको बताउँदै अहिले थप ६० वटामा कार्यकारी अधिकृत पठाएको मन्त्री मोदीले जानकारी दिए।

यस्तै मन्त्री मोदीलेसंघीय निजामती सेवा विधेयक सबैको जित हुने गरी पास गर्ने प्रस्ताव गरे।

सबै पक्षले सबै कुरा एकैपटक प्राप्त गर्न खोज्दा ७ वर्ष सम्म ऐन बन्न नसकेको बताउदै मोदीले ऐन बनाउन सके संघीयता कार्यान्वयनसँग जोडिएका र देखिएका आधा समस्या समाधान हुने मन्त्री मोदीले विश्वास व्यक्त गरे।

संघीय निजामती विधेयक संघीय मामिला मन्त्रालयले तयार पारेर कानुन न्याय तथा संसदीय मामिला मन्त्रालय र अर्थ मन्त्रालयमा पठाइएको उहाँले जानकारी दिए। आफू संघीय संसदको चालू अधिवेशनमै दर्ता गर्ने प्रयासमा रहेको पनि संघीय मामिला मन्त्री मोदीले बताए।