काठमाडौं ।  कर्णाली प्रदेश सभाको बैठक माघ ७ गते बोलाउन प्रदेश प्रमुखसमक्ष सिफारिस गरिएको छ । आज बिहान बसेको मन्त्रिपरिषद् बैठकले माघ ७ गते प्रदेश सभा बैठक बोलाउन प्रदेश प्रमुखलाई सिफारिस गर्ने निर्णय गरेको थियो ।

प्रदेश सरकारका प्रवक्ता समेत रहेका भूमि व्यवस्था कृर्षी तथा सहकारी मन्त्री बिनोद कुमार शाहका अनुसार कर्णाली प्रदेशसभाको दोस्रो कार्यकालको पाँचौँ अधिवेशन आगामी ७ माघमा आह्वान गर्न प्रदेश प्रमुखसमक्ष सिफारिस गर्ने निर्णय गरिएको हो । 

यसअघि प्रदेश सभाको चौथो अधिवेशन असोज १५ गते स्थगित भएको थियो । प्रदेश सभाको हिउँदे अधिवेशन समयमै सञ्चालन हुँन नसक्दा महत्त्वपूर्ण विधेयकहरू अगाडि बढ्न सकेका छैनन् ।
प्रवक्ता शाहका अनुसार आज बसेको प्रदेश मन्त्रिपरिषद्को बैठकले कर्णालीको दोस्रो आवधिक योजना पनि स्वीकृत गरिएको छ ।