काठमाडौँ- काठमाडौँसहित विभिन्न ठाउँमा भूकम्पको महसुसपछि प्रधानमन्त्री केपी शर्मा ओलीले शतर्क रहन अनुरोध गरेका छन्। उनले भूकम्पपछि सामाजिक सन्जालमार्फत शतर्क रहन र सुरक्षित बन्न अनुरोध गरेका हुन्।

‘हिजोआज विभिन्न भागमा सानाठूला भूकम्पका धक्का आइरहेका छन्। सबै सतर्क रहनुहोला, सुरक्षित रहनु होला।’ ओलीले फेसबुकमा लेखेका छन्।

मंगलबार बिहान ६ बजेर ५० मिनेट जाँदा शक्तिशाली भूकम्प गएको राष्ट्रिय भूकम्प मापन तथा अनुसन्धान केन्द्रले जानकारी दिएको छ।