काठमाडौं । वरिष्ठ अधिवक्ता दिनेश त्रिपाठीमाथि कुटपिटमा संलग्न रहेको आरोपमा थप एकजनालाई पक्राउ गरेको छ । जिल्ला प्रहरी परिसर काठमाडौंका अनुसार झापा बुद्ध शान्ती गाउँपालिक–४ घर भई काठमाडौं शान्तीनगर बस्ने ५५ वर्षकी सितादेवी राईलाई पक्राउ गरिएको हो ।

योसँगै त्रिपाठीमाथि कुटपिट आरोपमा पक्राउ परेका व्यक्तिहरूको संख्या ३ जना पुगेको छ । यसअघि हुम्ला अदानचुली गाउँपालिका-४ घर भई काठमाडौं सूर्यदर्शन हाइट ३२ वर्षका महेन्द्र पाण्डे र दोलखा तामाकोशी गाउँपालिका-१ घर भई ललितपुर महालक्ष्मी-५ टिकाथली बस्ने ४८ वर्षीय ललितकुमार केसीलाई पक्राउ गरिएको थियो ।

पक्राउ परेकाहरूमाथि प्रहरी वृत्त सिंहदरबारबाट थप अनुसन्धान भइरहेको प्रहरीले जनाएको छ । यहि माघ २ गते काठमाडौं अदालतको परिसरमा त्रिपाठीमाथि हातपात भएको थियो । सहकारी रकम अपचलनमा रविविरुद्धको मुद्दामा त्रिपाठीले सहकारीपीडितको तर्फबाट बहस गरेका थिए ।