काठमाडौं । नेपाली बजारमा आज सुनको मूल्य सामान्य बढेको छ । अघिल्लो दिनको तुलनामा सुनको मूल्य तोलामा १ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७० हजार ३ सय रुपैयाँमा कारोबार भइरहेको छ । हिजो छापावाल सुन प्रतितोला १ लाख ७० हजार २ सय रुपैयाँ कायम भएको थियो ।

त्यसैगरी, हिजोको तुलनामा आज चाँदीको मूल्य प्रतितोला पाँच रूपैयाँले घटेको छ । महासंघका अनुसार आज चाँदीको मूल्य प्रतितोला १ हजार ९ सय ८५ रूपैयाँमा कारोबार भइरहेको छ ।

हिजो चाँदी प्रतितोला १ हजार ९ सय ९० रूपैयाँमा कायम भएको थियो ।