काठमाडौँ । जम्मु कश्मीरमा २८ जना मारिने गरी भएको आतंकवादी हमलायता भारतीय सुरक्षा बलले त्यस क्षेत्रमा सर्च अभियान सञ्चालन गरिरहेको छ।

दैनिक भास्करका अनुसार यस क्रममा अहिलेसम्म सुरक्षा बलले ८ जनाको घर भत्काइदिएको छ। ती व्यक्ति आतंककारी भएको आरोप लगाइएको छ। 

केन्द्र सरकारले सबै मिडिया प्लेटफर्म, समाचार एजेन्सी र सामाजिक सञ्जाल प्रयोगकर्तालाई रक्षा अपरेसनको प्रत्यक्ष कभरेज गर्न र सुरक्षा अभियानको विस्तृत देखाउन प्रतिबन्ध लगाएको छ।

कुलगाममा आतंककारीको सहयोगी भएको आरोपमा २ जनालाई पक्राउ गरिएको छ। जम्मु-कश्मीरमा सक्रिय १४ आतंककारी भन्दै सुरक्षा बलले सूची पनि जारी गरेको छ।  उता गुजरातमा पनि अवैध रूपमा भारत आएको आरोपमा ५०० जना पक्राउ गरिएको समाचार सार्वजनिक भएको छ।