काठमाडौँ ।नागढुंगा–सिस्नेखोला सुरुङमार्ग उद्घाटनको केही समयअघि केही स्थानीयले विभिन्न माग राख्दै विरोध प्रदर्शन गरेका छन्।

नागढुंगा सुरुङमार्ग पीडित संघर्ष समितिको नेतृत्वमा आयोजित प्रदर्शनमा सहभागीहरूले सुरुङमार्गसँगै निर्माण हुनुपर्ने आकाशेपुल यथाशीघ्र निर्माण गर्न, सडक पेटी फराकिलो बनाउन, आयोजनाबाट प्रभावितलाई रोजगारी सुनिश्चित गर्न, जेब्रा क्रसिङ तथा ट्राफिक लाइटको व्यवस्था गर्न र फ्लाइओभरको नाम ‘किसिपिँडी फ्लाइ ओभर’ राख्नुपर्ने माग राख्दै प्रदर्शन गरेका हुन्। ।

प्रदर्शनस्थलमा सुरक्षाकर्मीको बाक्लो उपस्थिति रहेको थियो। उनीहरूले मूल सडकमै प्रदर्शन गर्न खोजेपछि प्रहरीले त्यहाँबाट हटाएको छ। स्थानीयले आफ्ना माग तत्काल सम्बोधन गर्न सरकार र सम्बन्धित निकायसँग आग्रह गरेका छन्।

नागढुंगा सुरूङमार्ग आज उद्घाटन हुँदैछ।