काठमाडौं। पछिल्लो २४ घण्टामा नेपालमा ९५३ जना कोरोना संक्रमित थपिएका छन्। स्वास्थ्य तथा जनसंख्या मन्त्रालय अनुसार शनिबार १० हजार ५७९ जनामा गरिएको परीक्षणमा सो संख्यामा संक्रमित थपिएका हुन्।

पिसिआर विधिबाट ७ हजार ५० जना र एन्टिजेनबाट ३५२९ जनाको परीक्षण गरिएको थियो। सोही अवधीमा एक हजार ३७१ संक्रमित संक्रमणमुक्त भएका छन्। संक्रमणबाट पछिल्लो २४ घण्टामा ६ जनाको मृत्यु भएको छ। अहिलेसम्म कोरोनाको संक्रमणबाट नेपालमा ११ हजार ८७ जनाको मृत्यु भएको छ। यस्तै हाल १९ हजार ७०० सक्रिय संक्रमित छन्।