काठमाडौं ।चपली–देवीघाट दायाँ सर्किट चार्ज भएपछि नुवाकोटका थप क्षेत्रमा विद्युत् आपूर्ति पुनःस्थापित भएको छ। हाल जिल्लाको करिब ९०% क्षेत्रमा विद्युत् आपूर्ति पुनःस्थापित भई आपूर्ति पहिलेभन्दा थप भरपर्दो र सुधारिएको भोल्टेजसहित सञ्चालनमा आएको छ।

हालै चार्ज भएका क्षेत्रहरू:

विदुर–६

विदुर–१२ को बाँकी क्षेत्र

विदुर–३ को करिब आधा क्षेत्र

तारकेश्वर–१, ५ र ६

तारकेश्वर–२ र ३

बेलकोटगढी–७

थप ३१ वटा ट्रान्सफर्मर

चार्ज हुन बाँकी क्षेत्रहरू:

विदुर–३ को बाँकी आधा

तारकेश्वर–४

किस्पाङ गाउँपालिका

बेलकोटगढी–८

विदुर–१०

प्रमुख विद्युत् आपूर्ति मार्ग

६६ kV चपली–देवीघाट–१: त्रिशूली नदी पार गरी विदुरको करिब आधा क्षेत्र तथा किस्पाङतर्फ आपूर्ति।

६६ kV चपली–देवीघाट–२: विदुरको अधिकांश भाग, बट्टार तथा आसपासका क्षेत्रमा आपूर्ति।

६६ kV बालाजु–त्रिशूली–१: कालिका सबस्टेशनमार्फत रसुवाको धुन्चे, नौकुण्ड गाउँपालिका र कालिका गाउँपालिकातर्फ आपूर्ति।

६६ kV बालाजु–त्रिशूली–२: चौघडा सबस्टेशनको सम्पूर्ण क्षेत्र तथा समुन्द्रटार सबस्टेशन क्षेत्रतर्फ आपूर्ति।

धादिङबेँसीबाट ३३ kV: रातमाटे सबस्टेशन चार्ज गरी आपूर्ति सञ्चालनमा ल्याइएको छ।

समग्रमा, नुवाकोटको विद्युत् प्रणाली अहिले करिब ९०% पुनःस्थापित भई आपूर्ति स्थिरता तथा भोल्टेजको गुणस्तरमा उल्लेखनीय सुधार आएको छ। बाँकी क्षेत्रमा पनि चार्जिङ तथा आपूर्ति पुनःस्थापनाको कार्य जारी छ।