काठमाडौं। नेपाली काँग्रेसको महाधिवेशन तोकिएको समयमा नहुने भएको छ। बुधबार बसेको शीर्ष नेताहरुको बैठकले महाधिवेशनको मिति सार्ने सहमति गरेको हो। 

काँग्रेसले मंसिर ९ देखि १३ गतेसम्म १४ औं महाधिवेशन गर्ने तय गरेको थियो। अब भने महाधिवेशन मंसिर अन्तिम वा पुस पहिलो साता गर्ने सहमति भएको हो।

५ जिल्लामा क्रियाशील सदस्य विवाद नटुंगिएको तथा कतिपय जिल्लाको अधिवेशनसमेत सुरु हुन नसकेकाले निर्धारित समयमा महाधिवेशन गर्न नसकिने निष्कर्षसहित मिति केही पर सार्ने सहमतिनेताहरुले गरेका हुन्।