काठमाडौं ।  जापानले नेपाललाई उपलब्ध गराउने १६ लाख एष्ट्राजेनेका खोपमध्ये चार लाख डोज खोप आज नेपाल आइपुग्दैछ। स्वास्थ्य तथा जनसंख्या मन्त्रालयका अनुसार आज चार लाख र भोलि चार लाख गरी आठ लाख डोज खोप आउने भएको हो।

स्वास्थ्य राज्यमन्त्री उमेश श्रेष्ठले आज र भोलि दुई चरणमा आठ लाख खोप जापानबाट आइपुग्ने जानकारी दिए। मन्त्रालयका अनुसार १६ लाखमध्ये बाँकी रहेको आठ लाख डोज खोप अर्को साता नेपाल आउने सम्भावना छ।