काठमाडौं । सरुमारानी गाउँपालिका–२ दर्भानमा बिहीबार बिहान बेवारिसे अवस्थामा नवजात शिशुको शव भेटिएको छ ।

सालनालसमेत नकाटिएको अवस्थामा शिशुको शव फेला परेको प्रहरीले जनाएको हो । स्थानीयवासीले फोहोर संकलन गर्न राखिएको डस्टबिनमा शिशुको शव देखेर प्रहरीलाई खबर गरेका थिए ।

जिल्ला प्रहरी कार्यालय प्युठानका प्रवक्ता प्रहरी निरीक्षक केशव केसीका अनुसार  प्रहरी टोली घटनास्थल पुगेर अनुसन्धान सुरु गरेको बताएका छन् ।