नयाँ वर्ष २०८२ को अवसरमा शुभकामना सन्देश जारी गर्दै पार्टीका कार्यवाहक सभापति डोलप्रसाद अर्यालले नागरिकले रास्वपामार्फत् व्यक्त गरेको आशा र अपेक्षाप्रति नियोजित रुपमा घेराबन्दी बढाइएको बताएका छन्। 

‘राजनीतिको पुरातन सोचविरुद्ध नागरिकले रास्वपामार्फत् व्यक्त गरेको आशा र अपेक्षाप्रति नियोजित रुपमा बढाइएको घेराबन्दी र राजनीतिक स्वार्थका आधारमा रास्वपाको मूल नेतृत्वविरुद्ध साँधिएको प्रतिशोध एउटा दल र नेताप्रति गरिएको कुकर्म मात्र होइन, समग्र देशको रुपान्तरण गर्ने नयाँ सोच र प्रतिबद्धता माथिकै घातक प्रहार हो,’ शुभकामना सन्देशमा अर्यालले भनेका छन्, ‘यो प्रहारविरुद्ध न्यायप्रेमी नागरिकले सुरु गरेको प्रतिवादको हामी सम्मान गर्दछौँ।’