सोमवार, श्रावण २५ गते २०८३
आइतवार , श्रावण ११, २०८२
काठमाडौं । गैरआवासीय नेपाली संघ एनआरएनए कम्बोडियाको अधिवेशनले २०२५–२०२७ का लागि शिवराज पराजुलीको अध्यक्षतामा नयाँ कार्य समिति सर्ब सम्मत चयन गरेको छ । नयाँ कार्यसमितिलाई निवर्तमान अध्यक्ष लाल सिंह खड्काले पद हस्तान्तरण गरेका छन् ।
कार्यसमितिको उपाध्यक्षमा प्रदीप अधिकारी, राजन कुवर, रामजी छेत्री, सोनु तामाङ, महिला उपाध्यक्षमा उमा बुढाथोकी, महासचिवमा दीपेन्द्र केसी, सचिवमा रुद्र तामाङ र प्रबक्तामा डा.मो. जमिरुल हक निर्विरोध चएन भएका छन् ।
कार्यक्रममा एनआरएनए साउथ सुडानका अध्यक्ष रामप्रसाद पाध्याले कम्बोडियको छैठौ अधिवेशनमा सफलताको शुभकामना ब्यक्त गरेका छन् । पाध्याले ‘एशियाको यो क्षेत्रमा ‘डिजिटल अभिमुखिकरण र समाधान संयन्त्र’ श्रमिक सुरक्षाको अभियान,नेपाली संस्कृतिको संरक्षण र प्रवर्द्धन जस्ता कार्यमा नेपाल र नेपालीका लागि एउटै माला र भावनामा बाँधिनु पर्ने बताएका छन् ।
कार्यक्रममा एनआरएनए कम्बोडियाका संस्थापक अध्यक्ष एबम सफल ब्याबसायी राजकुमार भुजेलले एनआरएनए कम्बोडियको छैठौ अधिवेशन सफलताको शुभकामना ब्यक्त गर्दै हाल एनआरएनएमा जुङ्गाको लडाई र आपसी द्वन्द बढेकोमा चिन्ता ब्यक्त गर्दै तेस्को अन्त्य हुनुपर्नेमा जोड दिएका छन् ।
उक्त कार्यक्रममा एनआरएनए आईसिसी सदस्य एबम कम्बोडियाका सफल ब्याबसायी ज्ञानु रानाले एनआरएनए कम्बोडियको छैठौ अधिवेशन सफलताको शुभकामना ब्यक्त गर्दै एनआरएनएले आफ्नो नाराअनुसार काम गर्नेपर्ने बताएका छन् ।
कार्यक्रममा निवर्तमान अध्यक्ष लालसिंह खड्काले यो एउटा अभियान भएकाले सबै सहकार्य गरेर हातमा हात मिलाएर अगाडी बढन आग्रह गरेका छन् । उनले आफू पदमा निवर्तमान भएपनी नेपालीको दुख सुखमा जतिबेला पनि सङ्गै हुने बताएका छन् ।
.jpg)
