काठमाडौं । शिक्षा मन्त्रालयलाई लैनचौरस्थित केशरमहलमा सारिएको छ ।

जेनजी आन्दोलनको दोस्रो दिन भदौ २४ गते आन्दोलनकारीहरूले सिंहदरबारभित्र रहेको शिक्षा मन्त्रालयको भवन जलाएपछि प्रयोग गर्न अयोग्य भएको थियो । अहिले लैनचौरस्थित केशरमहलबाट अस्थायी रूपमा सो मन्त्रालयको सेवा प्रवाह भइरहेको छ ।

उक्त भवनमा आज हुने भनिएको नवनियुक्त शिक्षामन्त्रीको पदभार ग्रहण पनि हुनेछ ।  शिक्षा, विज्ञान तथा प्रविधि मन्त्रीको रूपमा वैज्ञानिक महावीर पुन सिफारिस भएका छन् ।

आइतबार बसेको मन्त्रिपरिषद बैठकले उनलाई शिक्षा मन्त्रीमा नियुक्त गर्ने निर्णय गरेको थियो ।