छठको शुभकामना दिँदै उनले यसका लागि सम्बन्धित पक्षसँग माफी मागेका हुन्। 'छठ पर्वको हार्दिक शुभकामना! यो वर्ष दसैँ, तिहार र नेपाल संवत्‌जस्तै छठका सार्वजनिक कार्यक्रमहरूमा सहभागी हुन नसक्ने भएकाले क्षमा चाहन्छु। मलाई निम्तो गर्नु भएका काठमाडौं र मधेशका सबै छठ आयोजक मित्रहरूलाई हार्दिक आभार प्रकट गर्दछु। अर्को वर्ष सँगै छठ मनाउने अभिलाषासहित छठी माईको दिव्य आशीर्वाद सबैमा रहोस्', उनले भनेका छन्।