नेपाली सेनाले बुधबार बिहान दिएको जानकारीअनुसार मनाङ जिल्लाका तिलिचो, खाङ्गसार, पिसाङ, अप्पर मनाङ तथा हुम्दे इलाकाहरूमा मंगलबारदेखि भएको भारी हिमपातका कारण विभिन्न स्थानमा फसेका २०० भन्दा बढी विदेशी पर्यटकसहित करिब १५०० जनालाई उद्धार गरिएको हो। 

स्थानीय प्रशासन, जनप्रतिनिधि, सशस्त्र प्रहरी बल नेपाल, नेपाल प्रहरी तथा स्थानीयको सहकार्यमा मनाङस्थित नेपाली सेनाको नयाँ भैरवी दल गुल्मबाट खटिएको उद्धार टोलीले उनीहरूको उद्धार गरेको हो।