काठमाडौँ ।  शक्तिशाली आँधीबाट फिलिपिन्समा मृत्यु हुनेको संख्या दुई सय ५० पुगेको छ।

गत साता लगातार आएका दुई शक्तिशाली आँधीबाट लाखौं मानिसहरू विस्थापित भएको अधिकारीहरूले बताएका छन्। फिलिपिन्सको राष्ट्रिय विपद् जोखिम न्यूनीकरण तथा व्यवस्थापन परिषद्ले नोभेम्बर ४ मा आएको कालमेगी आँधीले मध्य फिलिपिन्समा ठूलो बाढी र पहिरो निम्त्याएको जनाएको छ। जसमा दुई सय ३२ जनाको मृत्यु भएको छ भने एक सय १२ जना हराइरहेका छन्।