काठमाडौँ । इजरायली ड्रोन आक्रमणमा खान युनिसको मध्य भागमा प्यालेस्टिनी फोटो पत्रकार महमुद वादीको मृत्यु भएको छ । स्थानीय रिपोर्टलाई आधार मानेर अल जजिराले यसबारे जानकारी दिएको हो ।

अल जजिराले प्रमाणित गरेको इन्स्टाग्राममा पोस्ट गरिएको एक भिडियोमा मृतक पत्रकार वादीलाई प्रेस टीसर्ट लगाएर राखिएको देखिन्छ, जसमा उनको मृत शरीर वरपर शोक गर्नेहरू जम्मा भएका छन् । 

अन्तर्राष्ट्रिय सञ्चार संस्थाहरूका अनुसार गाजामा हालसम्म २६० भन्दा बढी सञ्चारकर्मी मारिएका छन्, जसले यस द्वन्द्वलाई पत्रकारहरूका लागि अहिलेसम्मकै सबैभन्दा घातक भनिएको छ ।