झडपमा एमालेका ३ जना नेता तथा कार्यकर्ता घाइते भएको र आक्रमणकै क्रममा २ जनाको सुनको सिक्री समेत लुटिएको विज्ञप्तिमा दाबी गरिएको छ । एमालेले यसअघिको जेनजी विद्रोहका बेला लुटिएका हतियारहरू अझै बरामद नभएको र आपराधिक पृष्ठभूमिका व्यक्तिहरू खुला रहेको अवस्थामा यस्ता घटना हुनुलाई सुरक्षा चुनौतीका रूपमा लिएको छ ।

एमालेले आफूलाई एक जिम्मेवार दलका रूपमा संयमित रहेको बताउँदै आफ्नो संयमतालाई कमजोरी ठानिए भविष्यमा उत्पन्न हुने जुनसुकै परिस्थितिको जिम्मेवार रास्वपा र सरकार स्वयं हुनुपर्ने चेतावनी दिएको छ । विज्ञप्तिमार्फत समाजमा अराजकता फैलाउने दोषीहरूलाई तत्काल कानुनी दायरामा ल्याई कारबाही गर्न सरकारसँग जोडदार माग गरिएको छ ।