काठमाडौं । अमेरिकी राष्ट्रपति डोनाल्ड ट्रम्पले आफ्नो सामाजिक सञ्जाल प्लेटफर्म ट्रुथ सोसियलमा आफूले ग्रीनल्यान्डको भूमिमा अमेरिकी झन्डा गाड्दै गरेको तस्बिर पोस्ट गरेका छन् । 

उक्त तस्बिरमा ट्रम्पसँगै अमेरिकी उपराष्ट्रपति जेडी भान्स र विदेशमन्त्री मार्को रुबियो पनि देखिएका छन् ।  नजिकै रहेको एउटा संकेतपाटीमा ग्रीनल्यान्ड, अमेरिकी भूभाग, स्थापना २०२६ लेखिएको छ । 

सोही दिन, ट्रम्पले अर्को तस्बिर पनि सार्वजनिक गरे,  जसमा उनी ओभल कार्यालयमा युरोपेली नेताहरूसँग भेट गरिरहेका देखिन्छन् ।  उनको पछाडि राखिएको नक्सामा संयुक्त राज्य अमेरिका, क्यानडा, ग्रीनल्यान्ड र भेनेजुएलालाई अमेरिकी झन्डामुनि देखाइएको छ । 

ट्रम्पले मंगलबार ट्रुथ सोसियलमा आफूले ग्रीनल्यान्डबारे नाटोका महासचिव मार्क रुटसँग टेलिफोन वार्ता गरेको बताएका छन् ।