काठमाडौं । नेपाली कांग्रेसका सभापति गगन थापाले निवर्तमान पार्टी सभापति शेरबहादुर देउवासहित शीर्ष नेताहरूसँग थप संवादको प्रयासमा रहेको बताएका छन्।

पोखरा पुगेका सभापति थापाले पार्टीको कार्यक्रमलाई सम्बोधन गर्दै पार्टीमा गुट अब सकिएको बताए। उनले भने, ‘एउटा ठुलो विश्वास, भरोसा तपाईँहरूले राख्नु भएको छ, कति साथीहरू हामीहरू हिजो सँगै उभियौँ, कति साथीहरू पार्टीभित्र फरक दृष्टिकोण मात्रै फरक हो। सबै साथीहरूले पार्टी ठिक होस् भन्नु भएको छ। म अहिले निवर्तमान सभापतिसँग पनि विभिन्न माध्यमबाट संवाद गरिरहेको छु, थप संवाद गर्ने कोसिसमा छु। पार्टीको हिजो काम गर्नुभएको वरिष्ठ नेताहरू, सिनियर नेताहरू सबैसँग कुनै न कुनै माध्यमबाट संवाद गरिरहेको छु।’