काठमाडौं । नेपाली सेनाले आज (फागुन ३ गते) आफ्नो २६३औँ स्थापना दिवस मनाउँदै छ ।

यस उपलक्ष्यमा अहिले काठमाडौंस्थित टुँडिखेलमा महाशिवरात्रि बढाइँ तथा सेना दिवस विशेष समारोहको आयोजना गरिएको छ । कार्यक्रम नेपाली सेनाको परमाधिपतिसमेत रहेका राष्ट्रपति रामचन्द्र पौडेलको प्रमुख आतिथ्यमा भइरहेको हो । नेपाली सेनाले महाशिवरात्रिको दिनलाई आफ्नो दिवसका रूपमा मनाउने गरेको हो ।

आज मुलुकभर सेना दिवस मनाएको छ । त्यस अवसरमा सैनिक मञ्चमा शिवरात्रि बढाइँसँगै परेड, तोप बढाइँ, कवाजलगायत सैनिक कला र विविध सांस्कृतिक कार्यक्रम प्रस्तुत गरिँदै छन् । कार्यक्रममा उपराष्ट्रपति रामसहायप्रसाद यादव, प्रधानमन्त्री सुशील कार्की लगायतको उपस्थिति रहेको छ ।

जंगीअङ्डामातहत पृतना, बाहिनी, गण र गुल्म तथा कूटनीतिक नियोग र शान्ति मिसनमा पनि विभिन्न कार्यक्रम गरी सेना दिवस मनाइने गरिन्छ ।