ललितपुर ।ललितपुर महालक्ष्मी नगरपालिका इमाडोलस्थित सार्वजनिक स्थलमा महिलालाई आफ्नो गोप्य अङ्ग प्रदर्शन गर्ने सुरेन्द्र भट्ट पक्राउ परेका छन् । प्रहरीले उनलाई सोमबार पक्राउ गरेको हो । 

पीडित महिलाले उक्त व्यक्तिको भिडियो सामाजिक संजाल मार्फत सार्वजनिक गरेपछि प्रहरी वृत्त सातदोवाटो, ललितपुरको टोलीले पक्राउ गरेको हो । 

प्रारम्भिक अनुसन्धानको क्रममा निज भट्ट सिंहदरवारस्थित मन्त्रालयमा शिक्षा अधिकृतको रुपमा कार्यरत रहेको बुझिएको प्रहरीले जनाएको छ । पक्राउ परेका भट्टलाई प्रहरी वृत्तको सातदोवाटोको हिरासतमा राखि थप अनुसन्धान भइरहेको छ ।