गठबन्धनमा अविश्वास बढेपछि प्रधानमन्त्रीलाई विश्वासको मत दिएर प्रतिपक्षमा बसेको कांग्रेस हौसिएको छ । कांग्रेसले आफूले प्रस्ताव गरेको व्यक्ति नै राष्ट्रपति बन्ने दाबी गर्दै आइरहेको छ ।

प्रचण्ड र ओलीबीच बिहीबार पनि भेटवार्ता भएको थियो । माओवादीले राष्ट्रपतिमा राष्ट्रिय सहमति हुनुपर्ने अडान राखेपछि गठबन्धनमा अविश्वासका बढ्दै गइरहेको छ । तर, एमाले अध्यक्ष ओलीले भने पुस १० को सहमतिअनुसार आफ्नो पार्टीले पाउनुपर्ने अडानमा छन् ।

राष्ट्रपतिको चुनावका लागि मनोनयन मिति नजिकिँदै गर्दा ओली-प्रचण्डबीच भेटघाट बाक्लिएको छ । बिहीबार पनि दुई नेताले बालुवाटारमा झण्डै २ घण्टा छलफल गरेका थिए ।