काठमाडौं। जजिरा एयरलाइन्सले एक सातापछि भैरहवास्थित गौतमबुद्ध अन्तर्राष्ट्रिय विमानस्थलदेखि पुनः उडान थाल्ने भएको छ । जजिराले एक प्रेस विज्ञप्ति जारी गर्दै कुवेतका लागि सातामा ३ दिन उडान थाल्ने घोषणा गरेको हो ।

फागुन २५ गते बिहीबारदेखि पुनः उडान सुरु हुने कम्पनीले जनाएको छ । जसअनुसार भैरहवाबाट स्थानीय समयअनुसार मंगलबार, बिहीबार र शनिबार बिहान ८ः ०५ बजे कुवेतका लागि उडान हुनेछ ।

त्यस्तै कुवेतबाट सोमबार, बुधबार र शुक्रबार राति ११:५० बजे उडान हुनेछ ।

भैरहवाबाट कुवेतका लागि एकतर्फी भाडा २८ हजार ८३६ रुपैयाँ तोकिएको नेपालस्थित जजिरा एयरवेजका जनरल सेल्स एजेन्ट सोसाइटी इन्टरनेसनल ट्राभल सर्भिसेजका अध्यक्ष रविचन्द्र सिंहले जानकारी दिए।