राष्ट्रपतिमा पुरुष निर्वाचित भइसकेको र उपराष्ट्रपति पनि पुरुष नै हुन नहुने भन्दै जसपाका यादवविरुद्ध उजुरी परेको हो । एमालेले रामसहायप्रसाद यादवको उम्मेदवारी कानुनविपरीत रहेकोसमेत  दाबी गरेको छ ।

‘संविधानको व्यवस्थालाई बेवास्ता गरी श्री रामसहायप्रसाद यादवको उम्मेदवारी परेकोले पुरुषबाहेक महिलाहरु अयोग्य र असक्षम हुन्छन् भन्ने मान्यतालाई बलपूर्वक स्थापित गर्ने हुँदा उल्लेखित संवैधानिक, कानुनी व्यवस्था तथा निर्वाचन आयोगको मिति २०७२/११/२६ को निर्णय र सो आधारमा जारी निर्देशनसमेतको विरुद्धमा हुँदा वहाँको उम्मेदवारी खारेज गरी पाऊँ ।’ उनीहरूको उजुरीमा लेखिएको छ ।

संविधानको धारा ७० मा ‘राष्ट्रपति र उपराष्ट्रपति फरक फरक लिंग वा समुदायको हुने’ भनिएको छ । सो धाराले भनेको छ, ‘यस संविधान बमोजिम राष्ट्रपति र उपराष्ट्रपतिको निर्वाचन फरक फरक लिंग वा समुदायको प्रतिनिधित्व हुने गरी गर्नु पर्नेछ ।’