काठमाडौँ । राष्ट्रिय प्रजातन्त्र पार्टी र राप्रपा नेपालका अध्यक्ष कमल थापालाई दिएका सुरक्षाकर्मी (पीएसओ) आन्दोलन नरोकिएसम्म फिर्ता नगरिने भएको छ। 

राप्रपा, राप्रपा नेपाल लगायत राजावादीहरुको संयुक्त प्रदर्शन सुरु गर्नु अघिल्लो दिन सरकारले उनीहरुलाई दिएका पीएसओहरु फिर्ता गरेको थियो। प्रहरी प्रवक्ता एसएसपी रमेश थापाले ब्रिफिङका लागि राजावादी दलका नेताहरुको सुरक्षामा खटिएका सबै सुरक्षाकर्मी फिर्ता गरिएका बताएका थिए। 

तर ब्रिफिङपछि पनि उनीहरुलाई फिर्ता नगरिएको हो। गृहमन्त्री रमेश लेखकले बुधबार राज्य व्यवस्था तथा सशासन समितिको बैठकमा आन्दोलन नरोकिएसम्म उनीहरुको सुरक्षामा खटिएका प्रहरी फिर्ता नहुने प्रस्ट पारेका छन्।