काठमाडौँ । माओवादी केन्द्रका अध्यक्ष पुष्पकमल दाहाल प्रचण्डले म्याग्दीको तातोपानी कुण्डमा स्नान गरेका छन्। अध्यक्ष प्रचण्डले बुधबार बिहान अन्नपूर्ण गाउँपालिका २ स्थित तातोपानी कुण्डमा स्नान गरेका उनको सचिवालयले जनाएको छ। 

पार्टीको कार्यक्रममा सहभागी हुन उनी मंगलबार म्याग्दी पुगेका थिए। म्याग्दी हुँदै आजै उनी मुस्ताङतर्फ लागेका छन्। मुस्ताङमा उनलाई स्थानीय नेताकार्यकर्ता र प्रमुख अधिकारी लगायतले स्वागत गरेका छन्। 

मंगलबार नेकपा माओवादी केन्द्र पोखरा महानगर समितिको तेस्रो महानगर सम्मेलन उद्घाटन कार्यक्रममा सहभागी भएर उनी हिमाली जिल्लाको भ्रमणमा लागेका हुन्।