काठमाडौं । भारत उत्तराखण्डको हरिद्वारस्थित मनसा देवी मन्दिरमा भागदौड मच्चिँदा ६ जनाको मृत्यु भएको छ ।

मिडिया स्रोतका अनुसार आइतबार भागदौडमा धेरै जना घाइते भएका छन् । यसैबीच, राज्यका मुख्यमन्त्री पुष्कर सिंह धामीले ट्विटरमा पोस्ट गर्दै यस घटनाप्रति दुःख व्यक्त गरेका छन् ।

उनले लेखेका छन्, ‘हरिद्वारको मनसा देवी मन्दिरमा भएको भागदौडको बारेमा धेरै दुखद खबर प्राप्त भएको छ । उत्तराखण्ड एसडीआरएफ, स्थानीय प्रहरी र अन्य उद्धार टोलीहरू घटनास्थलमा पुगेका छन् र राहत र उद्धार कार्यमा संलग्न भएका छन् ।’

उनले अगाडि लेखेका छन्, ‘म यस सम्बन्धमा स्थानीय प्रशासनसँग निरन्तर सम्पर्कमा छु र परिस्थितिको निरन्तर निगरानी भइरहेको छ । म सबै भक्तहरूको सुरक्षाको लागि माता रानीसँग प्रार्थना गर्दछु ।’