‘यो पटक अचानक १ दिन अगाडि मात्र यो कार्यक्रम गर्ने निर्देशन जारी गरियो र यसको पछाडि देश- विदेशमा विकसित राजनीतिक घटनाक्रम अनि पछिल्लो पटक प्रधानमन्त्रीको हैसियतले नेपाल भारत–सम्बन्धमा गरेका कतिपय महत्त्वपूर्ण निर्णयको अनौपचारिक ढंगले भारतीय मित्रहरूसँग समीक्षा गर्ने थियो’, प्रचण्डले भने, ‘विकसित घटनाक्रमबारे पनि सल्लाह सुझाव संकलन गर्ने उद्देश्य पनि थियो, यो भ्रमणको । आएको बेला तपाईंहरूसँग भेटघाट गर्ने पनि उद्देश्य थियो । आज त्यो उद्देश्य पूरा भएको छ ।’

प्रचण्डले भारतमा को–कोसँग संवाद भएको भन्ने चाहिँ खुलाएनन् । ‘केही विकसित राजनीतिक घटनाक्रमबारे अनौपचारिक ढंगले कतिपय भारतीय मित्रहरूसँग मेरो समीक्षा भएको छ, हिजोदेखि आजसम्म’ प्रचण्डले भने ।

छोरी गंगासहित प्रचण्ड आइतबार नयाँ दिल्ली पुगेका थिए । प्रचण्डले भारतीय संस्थापनका केही नेतासँग अनौपचारिक संवाद गरेको स्रोतले बतायो ।