शनिबार केन्द्रीय कार्यालय ललितपुरको च्यासलमा बसेको एमाले सचिवालय बैठकले अधिकांश क्षेत्रमा उम्मेदवार टुंगो लगाएको छ। केही जिल्ला र निर्वाचन क्षेत्रमा भने अध्यक्ष केपी शर्मा ओलीले उम्मेदवार टुंग्याउने भएका छन्।

यसअघिको निर्वाचनमा एमाले उपमहासचिव भट्टराई विजयी हुँदै आएको ताप्लेजुङमा पनि उम्मेदवार टुंग्याउन बाँकी छ।  शनिबारको सचिवालय बैठकमा योगेश भट्टराई आफैँ सहभागी थिए। तर, अध्यक्ष ओलीले इतर खेमालाई बाइपास गरेर उम्मेदवार टुंग्याएपछि भट्टराईले सामाजिक सञ्जालमा पार्टी निर्णयबाट विचलित नहुन आफू पक्षीय नेता कार्यकर्ताँलाई आह्वान गरेका हुन्।