ओपनर सम्झना खड्का ११ बलमा ६ चौका सहयोगमा २६ रन बनाउँदा क्याच आउट भइन्। अर्की अ‍ोपरन विन्दु रावल ४४ रनमा आउट भईन्। ५६ बलमा ६ चौका प्रहार गरेकी विन्दुको यो अन्तराष्ट्रिय क्रिकेटमा सर्वाधिक रन हो। यसअघि उनको सर्वाधिक रन २८ रन थियो। 

१० बलमा २ छक्का र १ चौका प्रहार गरेकी रुविना क्षेत्री १७ रन बनाउँदै पेभेलियन फर्किईन्।  पुजा महतो १२ रन बनाउँदा क्याच आउट भईन्। इन्दु बर्मा ६ रनमा क्याच आउट भइन्। कविता कुवँर २ रनमा रनआउट हुन पुगिन्।

सिता रानामगर शुन्य रनमा नै आउट भइन्। रिया शर्मा ४ र सुमन विष्ट शुन्य रनमा आउट भए। काजल श्रेष्ठ २ रनमा अविजित रहिन्।  थाइल्यान्डका लागि चिपात्चा पुथावंगले २ विकेट लिईन्। चनिदा पुथ्थावोङ,सुनिपोन लाओमी र सुनिदा चतुरोग्राटानाले समान एक विकेट लिए।  थाइल्यान्डले केहीबेरमा जवाफी ब्याटिङ गर्नेछ।