‘म जिम्मेवारीमा आउनासाथ निर्वाचन आयोगमा धाउनुपर्ने अवस्था आयो। निर्वाचन आयोगको निर्णयपछि पनि चित्त नबुझेका साथीहरुले कानुनी परीक्षण खोजिरहनु भएको छ,’ उनले भनेका छन्, ‘कानुनी परीक्षण खोजिरहेका साथीहरुलाई पनि समेटेर लैजाऔँ भनेर हिजो साँझसम्म पनि प्रयास गरेको छु। अन्तिम अवस्थामा समयको एकदमै चाप छ। सकेसम्म मिलाउने प्रयास गरिरहेको छु।’

उनले पार्टीभित्र नयाँ पुरानोको सन्तुलन मिलाएर उम्मेदवार छनोट गरिने थापाले बताएका छन्। ‘सबै पार्टीका साथीहरुलाई न्यायको अनुभूति गराउने छु। तर, उम्मेदवार सिफरिसको सबै काम सकिएकाले हाम्रो हात बाँधिएका छन्,’ थापाले भनेका छन्। 

उनले पार्टीका सबै साथीहरुलाई एकतावद्ध बनाउने प्रयास पनि जारी रहेको पनि बताएका छन्।