काठमाडौँ । अफगानिस्तानको राजधानी काबुलको सहर-ए-नौ क्षेत्रमा विस्फोट भएको छ।

अफगानिस्तानको टोलो न्युजका अनुसार सुरक्षा स्रोतले आक्रमणमा चिनियाँ नागरिकहरूलाई लक्ष्य गरिएको पुष्टि गरेका छन्। आक्रमणमा मृत्यु हुने र घाइते हुनेको संख्या अझै स्पष्ट भइसकेको छैन।

काबुलको समसाद न्युजले गोल्फुरुसी स्ट्रिटमा विस्फोट भएको र चिनियाँ रेस्टुरेन्टलाई निसाना बनाइएको उल्लेख गरेको छ। रिपोर्टमा भनिएको छ, ' विस्फोट एक चिनियाँ रेस्टुरेन्टमा भएको थियो, जसमा धेरै चिनियाँ र अफगानी नागरिक घाइते भएका छन्।'