काठमाडौं। अमेरिकामा पाँचदेखि ११ वर्षका बालकालिकालाई पनि फाइजर र बायोनटेकको खोप लगाउन स्वीकृति दिइएको छ। जोखिम र लाभ दुवैलाई ध्यान दिएर नै यो उमेर समूहका बालकालिकालाई पनि कोरोनाविरुद्धको खोप लगाउन स्वीकृति प्रदान गरिएको अधिकारीहरुले बताएका छन्।

यो निर्णयबाट २ करोड ८० लाख बालबालिका लाभान्वित हुने अनुमान गरिएको छ। अमेरिकामा यसअघि नै १२ वर्ष भन्दा माथिका बालबालिकालाई भने कोरोनाविरुद्धको खोप दिइसकेको छ।