सोमवार, श्रावण २५ गते २०८३
सोमवार , आषाढ २८, २०७८
काठमाडौँ । सरकारले मंगलबारदेखि बागमती, गण्डकी र लुम्बिनी प्रदेशमा भेरोसेल खोपको पहिलो मात्रा लगाउन सुरु गर्ने भएको छ ।
यी ३ प्रदेशमा खोप ५५ वर्षभन्दा माथिका नागरिक, सार्वजनिक यातायातका चालक र सहचालक, विश्विविद्यालय र विद्यालयका शिक्षक÷कर्मचारीलाई दिन लागेको हो ।
यसबाहेक विदेश जानेहरुलाई पनि खोप लगाइने जनाइएको छ । हाल वैदेशिक रोजगारीका लागी खोप अनिवार्य गरेका देशमा जाने नेपाली नागरिकहरुको हकमा पासपोर्ट र भिसाको आधारमा खोप लगाइने जनाइएको छ ।
त्यस्तै, पूर्ण र अति अशक्त अपांगता (वर्ग क र ख) भएका नागरिकहरुलाई पनि खोप दिन लागिएको छ । खोप लिनका लागि सरकारले जारी गरेको प्रमाणपत्र देखाउनुपर्ने हुन्छ ।
यस्तै, अमेरिकी कम्पनी जोन्सनको खोप पनि अर्को चरणमा ५० देखि ५४ वर्ष उमेर समूहकालाई लगाइने स्वास्थ्य सेवा विभागले जनाएको छ । तर,यो खोप लगाउने मिति भने तय भइसकेको छैन ।
कोभीड खोपको अबको योजना जिल्लाहरूले यही बमोजिम पालिकाहरूसंग समन्वय गरी सुक्ष्म योजना तयार गरी छिट्टै शुरू हुन्छ pic.twitter.com/5HbzBdBPx0
— Krishna Paudel कृष्ण पौडेल (@kp_paudel) July 12, 2021
.jpg)
