काठमाडौँ । अमेरिकी राष्ट्रपति डोनाल्ड ट्रम्पले अमेरिकी आक्रमणले इरानको आणविक कार्यक्रमलाई दशकौं पछाडि धकेलेको बताएका छन्। अमेरिकी आक्रमणले इरानको आणविक कार्यक्रमलाई कति क्षति पुर्‍याएको छ भनेर सोधिएको प्रश्नमा ट्रम्पले यस्तो दाबी गरेका हुन्।  

ट्रम्पले भने,‘मलाई लाग्छ यो दशकौं पछाडि धकेलिएको छ। उसले यो सहेको छ र धेरै कुराहरू भोगेको छ। अब उसलाई चाहिने अन्तिम कुरा भनेको समृद्धि हो। त्यो आक्रमणले युद्ध समाप्त गर्‍यो।’

ट्रम्पले इरान र इजरायलबीचको जारी द्वन्द्वलाई स्कुलको आँगनमा दुई बालबालिका झगडा गरे जस्तै वर्णन गरे। इजरायल र इरानबीचको द्वन्द्वलाई ध्यानमा राख्दै ट्रम्पले रुसी राष्ट्रपति भ्लादिमिर पुटिनसँग पनि कुरा गरेको बताएका छन्। ट्रम्पले भने ,‘मैले पुटिनलाई इरानलाई होइन, हामीलाई मद्दत गर्न भनेको थिएँ।’