काठमाडौं। सुन्दै पनि शरिरनै सिरिङ्ग हुने घटना सार्वजनिक भएको छ। एक महिलाले फास्ट फूड रेस्टुरेन्टमा चिकेन बर्गर अर्डर खाँन खोज्दा पहिलो गाँसमै मानिसको औँला फेला परेपछि उनको हालत खराब भयो ।

यो घटना बोलिभियाको हो। न्यूयोर्क पोस्टको रिपोर्ट अनुसार बोलिभियामा बस्ने इस्टेफनी बेनिटेज एक फास्ट फूड रेष्टुरेन्टमा बर्गर खान गएकी थिइन्। पहिलो बाइट लिँदा उनले केही कडा चिज महसुस गरिन् । 

जब बेनिटेजले के रहेछ भनेर हेरिन् तब उनको होस उड्यो किनभने चिकेन बर्गरभित्र मानिसको औंला भेटिएको थियो । उनले यो घटना आफ्नो सामाजिक संजालमा फेसबुकमा सेयर गरेकी छन्।  उनका अनुसार यो घटना गत आइतबारको हो।

उनले यसबारे रेष्टुरेन्टका कर्मचारीलाई जानकारी दिँदा बर्गर पहिले नै तयार भएर स्टोरमा पुग्ने र यसअघि यस्तो कहिल्यै नभएको प्रतिक्रिया दिएको बताएकी छन्। साथै रेष्टुरेन्टको तर्फबाट बर्गरको पूरा पैसा फिर्ता दिइने पनि बताइयो।

घटना व्यापक भएपछि बर्गर कम्पनीका प्रवक्ता दाहमेर-एस्क्वेले यसलाई ‘दुर्भाग्यपूर्ण घटना’ बताउँदै मासु काट्ने बेला एक कर्मचारीको चोरी औंला काटिएको जानकारी दिइन्। स्थानीय प्रहरीले घटनाको पुष्टि गरेको छ। रेष्टुरेन्टको यो ब्रान्चलाई स्थानीय प्रशासनले अस्थायी रुपमा बन्द गर्ने र कम्पनीमाथि जरिवाना लगाउने भएको छ। 
एजेन्सीको सहयोगमा