काठमाडौं। नेकपा एमालेका उपाध्यक्ष भीम रावलले दिनभर बैठक नगरी राति बैठक बोलाएकोप्रति शंका व्यक्त गरेका छन्। एमालेको जारी महाधिवेशन अन्तरगत दोस्रो दिन विहान १० बजे बोलाइएको बन्दसत्र दिनभर सुरु नभई ७ बजेपछि सुरु हुने भनि भनिएको छ। 

त्यसपछि उपाध्यक्ष रावलले दिनभर बैठक नगरी प्रतिनिधिहरूलाई अलपत्र पारेकोमा सामाजिक संजालमा लेखी आपत्ति जनाएका हुन्। संस्थागत छलफल नगरी राति बैठक बोलाउनु धाँधलीको सङ्केत भएको पनि जिकिर गरेका छन्।

दिनभरी बैठक नगरेर प्रतिनिधिहरूलाई अलपत्र बनाउने र संस्थागत छलफल नगरी राती ७ बजे बैठक हुने सूचना जारी गर्नु अलोकतान्त्रिक कार्य मात्र होइन धाँधलीको संकेत पनि हो। यसले जनताको बहुदलीय जनवाद अन्तर्गत प्रतिस्पर्धाको राजनीतिमाथि आघात पुग्छ।

— Dr. Bhim Rawal (@BhimRawal179) November 28, 2021